Vakin er athygli á eftirfarandi ábendingum og athugasemdum:

1. Gömul tæknilega úrelt upplýsingakerfi
   Nú er unnið að innleiðingu á nýju upplýsingakerfi Galdri. Lögð er áhersla á að nýtt upplýsingakerfi verði tekið í notkun eins fljótt og kostur er þar sem upplýsingakerfi sem notuð eru í dag eru orðin gömul og tæknilega úrelt og því ákveðin öryggisáhætta fólgin í notkun þeirra. Tryggja þarf að fullt samræmi sé á milli afgreiðslna í kerfinu og færslna í bókhaldi.
    
2. Þjónustusamningar við Vinnumálastofnun
   Ítrekaðar eru fyrri ábendingar Ríkisendurskoðunar um að nýr þjónustusamningur verði gerður á öllum verkefnum sem Vinnumálastofnun sinnir vegna Atvinnuleysistryggingasjóðs en núverandi þjónustusamningur er frá árinu 2007.
    
3. Bundið eigið fé
   Krafa á ríkissjóð vegna innheimtu atvinnutryggingagjalds er nánast óbreytt frá því í árslok 2017 sem stafar af gildistöku LOF en ekki liggur fyrir hvernig skuli farið með bundið eigið fé í bókhaldi sjóðsins. Bundið eigið fé nam 18.180,6 m.kr. í árslok 2018.
    
4. Bankareikningar
   Tryggja þarf að bankareikningar í eigu sjóðsins séu skráðir á réttan eiganda hjá Landsbankanum. Þá þarf að yfirfara aðgang starfsmanna að bankareikningum sjóðsins og loka aðgangi sem ekki er viðeigandi.